01 ноя 07:40
Янгиликлар

Хоккей

"Ҳумо" дарвозабони Қозоғистон чемпионатида якунланган ҳафтанинг "Энг яхши ўйинчиси" бўлди

Тошкентнинг "Ҳумо" хоккей клуби дарвозабони Дамир Шаймарданов Қозоғистон чемпионатида ҳафтанинг энг яхшиси деб топилди.

"Ҳумо" жамоаси якунланган ҳафта Тошкентда тўртта учрашув ўтказди. Дастлаб, жамоа 23-24 октябрь кунлари "Актобе"ни қабул қилиб, 6:2 ва 4:0 ҳисобларида зафар қучди. Ҳафта якунида, яъни 28-29 октябрь кунлари эса "қанотлилар" "Бейбарис" клубини меҳмон қилишди ва 7:4, 6:1 ҳисобларида ғалаба қозонишди.

Жамоамиз дарвозабони Дамир Шаймарданов ана шу ўйинлар туфайли ҳафтанинг "энг яхши ўйинчи" деб топилди. У сўровномада 93,75 фоиз овоз тўплаган.