18 авг 08:15
Янгиликлар

Хоккей

"Ҳумо" кеча Евро-Осиё Дўстлик кубоги доирасида "Номад"ни таслим этди, бугун мусобақанинг сўнгги ўйини

Кеча Беларусда хоккей бўйича Евро-Осиё Дўстлик кубогининг иккинчи туридан ўрин олган ўйинлар ўтказилди.

Хабар берганимиздек, мусобақада Тошкентнинг "Ҳумо" жамоаси ҳам иштирок этмоқда. "Қанотлилар" кеча иккинчи тур доирасида азалий рақиби, Қозоғистон чемпионатининг амалдаги ғолиби "Номад" билан баҳс олиб борди ва 2:1 ҳисобида овертаймда ғалабани ўзиники қилди.

Бугун "Ҳумо" Россиянинг Кросноярск шаҳри шарафини ҳимоя қилувчи "Сокол" жамоасига қарши музга чиқади. Клубнинг мусобақадаги сўнгги ўйини Тошкент вақти билан 13:00 да старт олади.