14 ноя 11:37
Янгиликлар

Хоккей

"Ҳумо" кейинги ўйинларини 18-19 ноябрь кунлари Тошкентда чемпионат пешқадамига қарши ўтказади

Тошкентнинг "Ҳумо" хоккей клуби Қозоғистон Очиқ чемпионатидаги кейинги икки ўйинини ўз уйида ўтказади.

"Қанотлилар" бу сафар чемпионатда биринчи ўринга кўтарилиб олган "Арлан" жамоасига қарши музга чиқишади.

18 ноябрь, 17:00

"Ҳумо" (Тошкент) - "Арлан" (Кокшетау)

19 ноябрь, 17:00

"Ҳумо" (Тошкент) - "Арлан" (Кокшетау).

Маълумот учун, Тошкентнинг "Ҳумо" жамоаси Мунтазам чемпионат жадвалида 26 та ўйиндан сўнг 42 очко билан иккинчи ўринда бормоқда. Қизиғи, биринчи ўриндаги "Арлан" ҳисобида ҳам 42 очко бор, аммо рақибларимиз биздан иккита кам ўйин ўтказишган.

Жамоалар ўртасида октябрь ойида ўтказилган ҳар икки учрашувда "Арлан" ғалаба қозонган эди (4:3 (ОТ), 3:2 (ОТ)).

Таъкидлаш жоиз, "Ҳумо" ва "Арлан" ўртасида шу кунгача 8 та ўйин ўтказилган ва уларнинг 5 тасида тошкентликлар ғалаба қозонишган, қолган 3 та ўйинда эса "Арлан" зафар қучган.