"Ҳумо" Мунтазам чемпионатни ғалаба билан якунлади, навбат плей-оффга!

Ҳозиргина "қанотлилар" ўз майдонида Қозоғистоннинг "Номад" жамоасини қабул қилиб, 3:1 ҳисобида ғалаба қозонишди. Кечаги илк ўйинда "Ҳумо" йирик 6:1 ҳисобида зафар қучганди. Бугун Денис Людцев, Андрей Павленко ва Вячеслав Литовченко киритилган голларга муаллифлик қилишди. Меҳмонлар сафидаги ягона шаАли Касенов ҳисобига ёзилди.  

Бугунги ғалаба эвазига "Ҳумо" 58 очко билан турнир жадвалида иккинчи ўринда мустаҳкам қолди. Пешқадам "Торпедо" жамоаси кетма-кет икки мағлубиятига қарамай, 58 очко билан шайбалар нисбатига кўра 1-ўринни банд этган. "Номад" эса 35 очко билан 8-поғонани эгаллаб турибди ва бу ўриндан пастга тушиб кетмайди. Иккала жамоа ҳам муддатидан аввал плей-офф йўлланмасини қўлга киритиб улгурганди. 

Жамоалар шу кунгача бугунгиси билан қўшиб ҳисобласак, 18 маротаба тўқнаш келишган, уларнинг 11 тасида "Ҳумо", 7 тасида "Номад" зафар қучган. Энди жамоалар плей-офф босқичида чемпионлик учун курашни давом эттиришади.