27 янв 16:55
Янгиликлар
Хоккей
"Ҳумо" навбатдаги ўйинини сафарда ўтказади
Тошкентнинг "Ҳумо" хоккей клуби Қозоғистон очиқ чемпионатидаги кейинги ўйинини 30 январь куни "Горняк" жамоасига қарши ўтказади.
Ўйин Рудний шаҳридаги "Горняк Арена"да, Тошкент вақти билан 18:00 да бошланади.
Турнир жадвалида "Ҳумо" айни дамда 72 очко билан иккинчи, "Горняк" эса 47 очко билан еттинчи ўринни эгаллаб турибди.
"Ҳумо" ва "Горняк" ўртасида шу кунгача 13 та ўйин ўтказилган, уларнинг 9 тасида "қанотлилар", 4 тасида эса руднийликларнинг қўли баланд келган.
Эслатиб ўтамиз, "Ҳумо" жамоаси кеча Тошкентда "Кулагер"ни қабул қилиб, 3:0 ҳисобида ғалаба қозонган эди.
Ҳавола :
Манба : olamsport.com
Фикрлар