"Ҳумо" ўйинчиси Қозоғистон чемпионатида ҳафта ўйинчиси деб топилди

Тошкентнинг "Ҳумо" хоккей клуби 5-6 ноябрь кунлари Қозоғистон очиқ чемпионатининг 18-тури доирасида "Иртиш" жамоасига қарши музга чиқди.

Дастлабки ўйин 0:8, иккинчиси эса 2:8 ҳисобида "қанотлилар" фойдасига якунланганидан хабарингиз бор.

Ушбу ўйинларда 5 (2+3) очко ишлаган "Ҳумо" ўйинчиси, 17-рақамли Тимур Шингареев Қозоғистонда ҳафта ўйинчиси деб топилди.

"Ҳумо" жамоаси навбатдаги ўйинини 9 ноябрь куни "Торпедо У-К"га қарши сафарда ўтказади.