"Ҳумо" рақиблари - КХЛ клубининг "укаси" "Номад" ҳақида

Биз "қанотлилар"нинг мазкур чемпионатдаги рақибларини таништиришни бошлаймиз

"Номад" хоккей клуби Қозоғистон пойтахти Нур-Султон шарафини ҳимоя қилади. Ушбу жамоа 2007 йилда ташкил этилган. Континентал хоккей лигасида иштирок этадиган "Барыс"нинг фарм-клуби хисобланади. “Номад” 2013 йилда ўз номини ўзгартирган бўлиб, авваллари "Барыс-2" номи билан танилган. 

Ўтган мавсумда жамоа Қозоғистон чемпионатининг ярим финалигача етиб келиб, Қарағанданинг “Сарыарка” жамоасига имкониятни бой берган. Клуб 2016/17 йилги мавсум чемпиони, шунингдек, Қозоғистон чемпионатининг уч карра кумуш медали соҳиби ҳисобланади. 2019/20 йилги мавсумда улар Олий ҳоккей лигасида (ВХЛ) иштирок этишди, аммо 2020/21 йилги мавсумдан бошлаб Қозоғистон чемпионатига қайтган.

Уй ўйинларини "Baris Arena" Б блокида ўтказади, сиғими 800 киши. 2015 йил 8 август куни арена расман очилган.

"Ҳумо" Тошкентда "Номад" билан 11 сентябрь куни соат 17.00да, 12 сентябрь куни эса 19.00да музга тушади. Чипталарни 1 сентябргача iTicket.uz сайтидан 30% чегирма билан харид қилинг.