“Ҳумо“ хоккей олий лигасидаги илк ўйинини Тошкентда ўтказади

Мазкур турнирнинг тақвими ҳам эълон қилинган эди. Унга кўра, “Ҳумо“ мавсумни Хитойда, “Ценг Тоу“ клубига қарши ўйин билан бошлаши керак эди.

Олий хоккей лигасига “Ростов“ ва “КРС-Пекин“ жамоаларининг қўшилиши муносабати билан турнир регламенти ва тақвимига ўзгартириш киритилди. Эндиликда ОХЛда 34 жамоа икки конференция ва тўрт дивизионга ажратилган ҳолда иштирок этади.

Дивизионлар жамоаларнинг географик ҳудудидан келиб чиқиб шакллантирилган. Янги тақвимга кўра, Евгений Попихин бошқарувидаги “Ҳумо“ клуби 11 сентябрь куни илк ўйинни Тошкентда ўтказади. Шу куни пойтахтликларга “ХК Рязань“ жамоаси рақиблик қилади.

Жорий йилнинг 4 августига қадар жисмоний тайёргарликка зўр бераётган “Ҳумо” хоккей жамоаси бугун ёш хоккейчилар билан маҳорат дарси ўтказди. Мавсумга тайёргарликнинг сўнгги учинчи босқичи эса Нижний Новгород шаҳрида бўлиб ўтади.