12 ноя 07:01
Янгиликлар

Хоккей

"Ҳумо" хоккейчилари Қозоғистон таркибида Осиё чемпиони бўлишди

Қозоғистоннинг Олма-Ота шаҳрида хоккей бўйича катталар ўртасидаги илк Осиё чемпионати ўтказилди.

Мусобақада Қозоғистон, Хитой, Япония ва Корея Республикаси терма жамоалари иштирок этди.

Аввал хабар берганимиздек, Тошкентнинг "Ҳумо" хоккей клубида фаолият олиб бораётган уч нафар хоккейчи — ҳимоячи Иван Степаненко ҳамда ҳужумчилар Дмитрий Грентц ва Артём Лихотников Қозоғистон терма жамоаси сафида иштирок этди.

Уччала хоккейчи ҳам Қозоғистон иштирокидаги барча ўйинларда музга чиқди. Гренц ўз ҳисобига 4 (1+3) очко ёздириб қўйишга ҳам муваффақ бўлди. Мусобақада Қозоғистон терма жамоаси 2 ғалаба ва 1 мағлубият қайд этган ҳолда олтин медалларга эга чиқди.