26 июл 09:32
Янгиликлар

Қишки спорт турлари

"Ҳумо" янги мавсум ҳамда ВХЛга тайёгарлик кўрмоқда! ФОТОРЕПОРТАЖ

Аввал хабар берганимиздек, Тошкентнинг “Ҳумо” жамоси янги мавсумни ВХЛ (Олий хоккей лигаси)да ўтказади.

Жорий йилнинг июнь ойида жамоа илк машғулотини Россиянинг Нижний Новгород шаҳрида бошлаганди. Айни кунларда эса жамоа “Ҳумо Арена” кўп тармоқли спорт мажмуасида машғулотларни кунига икки маҳалдан олиб бормоқда.

Тайёргарлик жараёни 4 августга қадар давом этади. Сўнгра хоккейчиларимиз яна Нижний Новгородга қайтиб, учинчи якуний босқични ўташади. Шундан сўнггина таркибнинг тўла шаклланган рўйхати эълон қилинади. Ҳозирда 35 нафар хоккейчи асосий таркибга ўтиш учун муз устида машғулотларни ўташмоқда.

Эслатиб ўтамиз, “Ҳумо” янги мавсумни 10 сентябрь куни Хитойда “Ценг Тоу” жамоасига қарши бошлайди. Тошкентдаги дастлабки учрашув эса 26 сентябрь куни “Динамо Тверь” клуби билан бўлиб ўтади.