"Ҳумо"нинг ногирон ва эҳтиёжманд болалар учун уюштирган "Мишкопад" хайрия тадбиридан ФОТОГАЛЕРЕЯ

Кеча "Ҳумо" хоккей клуби Қозоғистон Про-Лигаси 38-тури доирасида Олма-Ота шаҳрининг "Алмати" жамоасига қарши иккинчи уй ўйинида музга чиқиб, 6:0 ҳисобида ғалаба қозонган эди.

Мазкур ўйин якунига етганидан сўнг, мухлислар ва жамоа юмшоқ ўйинчоқлар билан "Мишкопад" тадбирини уюштирди. Ушбу тадбирда мухлислар ўзлари билан олиб келган юмшоқ ўйинчоқларни музга ташлашди, ўйинчоқлар Ishonch хайрия фонди ёрдамида ногирон ва эҳтиёжманд болаларга етказилади. Шунингдек, чипталар сотувидан тушган барча маблағлар Ezgu Amal хайрия фонди ҳисобига ўтказилади.

Умуман олганда, бу "Ҳумо" жамоасининг плей-офф баҳсларидан аввал мунтазам чемпионат доирасидаги сўнгги уй ўйини ҳам эди.

Мазкур хайрия тадбирида фотомуҳбиримиз Жаҳонгир Файзуллаев томонидан олинган ўзгача фотогалереяни томоша қилинг: