Ҳумоюн билан жанг қилиши кутилган Мадраҳимов Тошкентга октагонга чиқади + ПОСТЕР

Мадраҳимовга 5 сентябрь куни пойтахтимиздаги "Ҳумо Арена"да ташкил этиладиган Octagon 91 турнири кардидан жанг берилди. Дивизионнинг вақтинчалик чемпиони бўлиб турган Фазлиддин шу куни лига дебютанти қозоғистонлик Дмитрий Михайлидига қарши октагонга кўтарилади. Лига матбуот хизмати ушбу жангни расман тасдиқлади. 

Маълумот учун, Михайлиди ММАдаги фаолияти давомида 14 ғалаба ва 7 мағлубият қайд этган. Мадраҳимов ҳисобида 17 ғалаба, 6 мағлубият ва 1 дуранг бор. 

"Тошкентда узоқ кутилган турнирнинг асосий карди қизиқарли қарама-қаршилик билан бойиди. Қозоғистонлик жангчи лигада дебют қилмоқда ва дарҳол чемпион билан тўқнаш келади. Дмитрий ёш бўлишига қарамай, тажрибали, у ҳам стойкада, ҳам партерда хавфли. Михайлиди енгил вазн тоифасига кириб келиб, кўплаб мухлисларнинг кутган натижаларини ўзгартирмоқчи.

Карим вақтинчалик чемпионлик камарини қўлга киритди ва мутлақ чемпионлик учун жанг қилиш ҳуқуқини мустаҳкамлади. Тожикистонлик яккакураш юлдузи бекор ўтира олмайди ва янги чақирувларни талаб қилмоқда. Мадраҳимов мухлисларга октагонда шоу кўрсатиш ва турнирнинг барча эътиборини яна ўзига қаратиш учун Тошкентга учиб келмоқда!", дейилади Лига матбуот хизмати тақдим этган пресс-релизда.