14 янв 10:09
Янгиликлар

Футбол

Ҳумоюн Cултонов иштирокидаги учрашув ғолиби уч сетда аниқланди

Таиланднинг Нонтабури шаҳрида теннис бўйича "Челленжер" туркумига кирувчи турнир бўлиб ўтмоқда.

Мукофот жамғармаси 100 000 АҚШ долларини ташкил этувчи турнирда ҳамюртимиз Ҳумоюн Султонов ҳам ўз омадини синаб кўрди. Мамлакатимизнинг биринчи ракеткаси илк даврада япониялик Юта Шимизуга қарши кортга чиқди. Ҳозиргина якунига етган ва 1 соату 52 дақиқа давом этган баҳсда Юта 6/4, 3/6, 6/3 ҳисобида ғалаба қозонди.

Таққослаш учун, 26 ёшли Султонов ATP рейтингида 216, 25 яшар Кунчиқар юрт вакили эса 193-ўринни эгаллаб турибди. Бу икки теннисчининг ўзаро ўтказган илк учрашуви бўлди. Ҳумоюн 3, Шимизу 4 та эйс зарбасини амалга оширган.