04 апр 17:10
Янгиликлар

Теннис

Ҳумоюн Cултонов Шарм Эл-Шейх турнирининг 1/4 финалига йўл олди

Хабар берганимиздек, Мисрнинг Шарм Эл-Шейх шаҳрида теннис бўйича М25 тоифасига кирувчи турнир бўлиб ўтмоқда.

Мукофот жамғармаси 25 000 АҚШ долларини ташкил этувчи ушбу мусобақада Ҳумоюн Султонов ҳам ўз имкониятини синовдан ўтказяпти. Мамлакатимизнинг биринчи ракеткаси илк даврада мисрлик Амр Элсайидни 1/6, 6/4, 6/3 ҳисобларида мағлуб этганди.

Бироз аввал турнирда иккинчи рақам остида ҳаракат қилаётган ҳамюртимиз 1/8 финалда грузиялик Саба Пуртселадзега қарши кортга чиқиб, рақибидан 6/1, 7/5 ҳисобида устун келди. Султоновнинг 1/4 финалдаги рақиби польшалик Камил Майхшак бўлади. Турнирда бешинчи рақам остида ҳаракат қилаётган Майхшак 1/8 финалда украиналик Юрий Жавакянни 6/1, 6/2 ҳисобида енгди.

Таққослаш учун, Султонов ATP рейтингида 315, Элсайид 747, Пуртселадзе 474, Майхшак 405-поғонадан жой олган.