16 авг 17:02
Янгиликлар

Теннис

Ҳумоюн Султонов 1/4 финалдаги рақибини деярли сезмади

Португалиянинг Каштела-Бранка округи Иданья-а-Нова туманида теннис бўйича M25 тоифасига кирувчи турнир давом этмоқда.

Мукофот жамғармаси 25 000 АҚШ долларини ташкил этувчи ушбу мусобақада Ҳумоюн Султонов ҳам муваффақиятли одимлаяпти. Мамлакатимизнинг биринчи ракеткаси бироз аввал 1/4 финал учрашувини ўтказди. Ҳамюртимиз 61 дақиқа давом этган 1/4 финал босқичида испаниялик Марио Гонсалес Фернандесни 6/1, 6/1 ҳисобида мағлубиятга учратди.

Таққослаш учун, турнирда биринчи рақам остида сараланган Султонов ATP рейтингида 284, саккизинчи ракетка ҳисобланган Фернандес эса 608-поғонадан жой олган. Бу теннисчиларнинг ўзаро ўтказган илк учрашуви эди.