Ҳумоюн Султонов 992-ракеткага қарши қийин учрашув ўтказди

Мусобақада биринчи рақам остида таснифланган ҳамюртимиз Ҳумоюн Султонов илк даврадаёқ жиддий қаршиликка дуч келди. Мамлакатимизнинг биринчи ракеткаси россиялик Семен Панкинга қарши кечган 2 соату 52 дақиқалик учрашувда матч-боллдан чиқиб кетди ва якунда иродали ғалабага эришди - 7/6(2), 3/6, 7/5. 

Таққослаш учун, Султонов ATP рейтингида 223, 25 ёшли Панкин эса 992-поғонадан жой олган. Бу теннисчиларнинг ўзаро ўтказган илк учрашуви бўлди. Эртага Ҳумоюн 1/8 финалда италиялик Александр Биндага қарши кортга чиқади.