29 окт 10:04
Янгиликлар

Теннис

Ҳумоюн Султонов бу ҳафта Монастирда, илк рақиб маълум

Бугун Туниснинг Монастир шаҳрида теннис бўйича М25 тоифасига кирувчи турнирнинг асосий тўр баҳслари старт олади.

Мукофот жамғармаси 25 000 АҚШ долларини ташкил этувчи турнирда Ҳумоюн Султонов ҳам ўз маҳоратини намойиш қилади. Мамлакатимизнинг биринчи ракеткаси турнирда иккинчи рақам остида сараланди.

Қуръа натижасига кўра, ҳамюртимиз 1/16 финал босқичида франциялик Гуеймард Вайнбургга қарши кортга чиқади. Бу учрашув эртага бизнинг вақт билан соат 14:00да бошланади.

Таққослаш учун, Султонов ҳозирда ATP рейтингида 232, Вайнбург 478-ўринни эгаллаб турибди. Бу теннисчиларнинг ўзаро ўтказадиган илк учрашуви бўлади. Ҳумоюн шу йилнинг 27 август куни Малага турнирида Гуеймардни мағлуб (6/4, 6/4) этган эди.