15 ноя 14:29
Янгиликлар
Теннис
Ҳумоюн Султонов Ҳиндистонда ярим финалга чиқди
Хабар берганимиздек, Ҳиндистоннинг Мумбай шаҳрида теннис бўйича ITF таснифидаги "M25" турнири ўтказилмоқда.
Мусобақада биринчи рақамли теннисчи сифатида таснифланган Ўзбекистоннинг айни дамдаги энг яхши ракетка устаси — Ҳумоюн Султонов бугун чорак финал доирасида кортга чиқди.
Ҳамюртимиз ушбу баҳсда АҚШ вакили Адитья Ганесанга қарши кортга чиқди. 2 соат 25 дақиқа давом этган ўйинда ҳамюртимиз 3:6, 6:3, 6:4 ҳисобларида ғалаба қозонди ва ярим финалга йўл олди.
Таққослаш учун, Султонов ATP рейтингида 229, Ганесан эса 875-ўринни эгаллаб турибди.
Энди ҳамюртимиз ярим финалда эртага Кумар/Бобров учрашуви ғолибига қарши кортга чиқади.
Ҳавола :
Манба : olamsport.com
Фикрлар