20 авг 17:14
Янгиликлар

Теннис

Ҳумоюн Султонов Италияда иккинчи учрашувини ўтказди

Италиянинг Абруцци вилояти маркази ҳисобланган Л’Акуила шаҳрида теннис бўйича эркаклар ўртасида "Челленжер" турнири давом этмоқда.

Соврин жамғармаси 46 600 еврони ташкил қилувчи мусобақада истеъдодли теннисчимиз Ҳумоюн Султонов ҳам ўз имкониятини синовдан ўтказаётган эди. Ҳумоюн илк даврада италиялик Лоренцо Мусеттини 6:1, 7:6(3) ҳисобида таслим этган эди.

Ҳозиргина якунига етган иккинчи босқич учрашувида эса турнирнинг учинчи ракеткаси, қозоғистонлик Дмитрий Попкога қарши баҳс олиб борди. Ҳумоюн ATP рейтингида 384, Дмитрий эса 262-ўринни эгаллаб турибди.

Афсуски, 1 соату 20 дақиқа давом этган учрашувда тажрибали Попко 6:3, 6:4 ҳисобида зафар қучди. Мусобақа ғолиби 6 190 евро мукофот пули ҳамда 80 рейтинг очкосини қўлга киритади.