18 авг 12:15
Янгиликлар

Теннис

Ҳумоюн Султонов Жакартада мезбон теннисчига ютқазди

Ҳамюртимиз Ҳумоюн Султонов Индонезия пойтахти Жакарта шаҳрида ўтказилаётган M 25 тоифасига кирувчи турнирнинг яккалик баҳсларидаги иштирокини тўхтатди.

Мусобақада учинчи рақам остида таснифланган Султонов илк босқичда австралиялик Корбан Кроузерни 6:4, 6:0, иккинчи даврада украиналик Юрий Джавакянни 6/4, 6/4 ҳисобида мағлубиятга учратган эди.

Афсуски, бироз аввал юртдошимиз 1/4 финал учрашувида рейтингда ўзидан 164 поғона қуйида бораётган индонезиялик 24 ёшли Фитриади Рифқига деярли қаршиликсиз ютқазиб қўйди - 3/6, 2/6.