01 июн 14:38
Янгиликлар

Теннис

Ҳумоюн Султонов Куршумлия-Баня турнири 1/2 финалида!

Сербиянинг Куршумлия-Баня шаҳрида теннис бўйича М15 тоифасига кирувчи турнир давом этмоқда.

Мукофот жамғармаси 15 000 долларни ташкил этувчи ушбу мусобақада ҳамюртимиз Ҳумоюн Султонов ҳам муваффақиятли иштирок этяпти. Турнирда биринчи рақам остида таснифланган теннисчимиз 1/4 финалда осон ғалабани қўлга киритди. Султонов турнирнинг олтинчи ракеткаси Виктор Йовични 6/0, 6/1 ҳисобида енгди.

Таққослаш учун, сербиялик бу теннисчи ATP рейтингида 774-ўриндан жой олган. Ҳумоюн эса дунёнинг 328-ракеткаси бўлиб турибди. Бугун ҳамюртимиз финал чиптаси учун болгариялик Янаки Милевга қарши кортга чиқади. Милев ATP рейтингида 536-поғонани банд этган. Султонов - Милев учрашуви бизнинг вақт билан соат 13:00`да бошланади.