15 ноя 08:30
Янгиликлар
Теннис
Ҳумоюн Султонов Мумбайда чорак финалга йўл олди
Хабар берганимиздек, Ҳиндистоннинг Мумбай шаҳрида теннис бўйича ITF таснифидаги "M25" турнири ўтказилмоқда.
Мусобақада биринчи рақамли теннисчи сифатида таснифланган Ўзбекистоннинг айни дамдаги энг яхши ракетка устаси — Ҳумоюн Султонов бугун нимчорак финал доирасида кортга чиқди.
Унга ҳиндистонлик Дев Жавия (ATP-705) рақиблик қилди. Роппа-роса 2 соат давом этган ўйинда Султонов 2:0 (7/5, 6/3) ҳисобида зафар қучди.
Мазкур ғалаба орқали чорак финал масаласини ҳал қилган Султонов энди АҚШ вакили Адитья Ганесан билан тўқнаш келади. Баҳс эртага 9:30 да бошланиши режалаштирилган.
Таққослаш учун, Султонов ATP рейтингида 229, Ганесан эса 875-ўринни эгаллаб турибди.
Ҳавола :
Манба : olamsport.com
Фикрлар