19 янв 10:33
Янгиликлар
Теннис
Ҳумоюн Султонов Қатар турнири чорак финалига чиқди
Шу кунларда Қатар пойтахти Доҳа шаҳрида теннис бўйича ITF таснифига кирувчи турнир бўлиб ўтмоқда.
Ушбу мусобақада ҳамюртимиз Ҳумоюн Султонов ҳам ўз имкониятларини синовдан ўтказяпти.
Султонов турнирнинг 1/8 финал босқичида германиялик Матс Розенкранцга қарши кортга чиқди. 2 сет давом этган учрашувда Султонов рақибини 7/5, 6/1 ҳисобида мағлуб этиб, чорак финалга чиқди. Чорак финал баҳси бугунга белгиланган бўлиб, унда теннисчимиз марокашлик Эллиот Беншетрига қарши баҳс олиб боради.
Маълумот учун, айни вақтда Султонов АТР рейтингида 491-ўринни эгаллаб турган бўлса, Бешетри 520-поғонага жойлашган.
Ҳавола :
Манба : olamsport.com
Фикрлар