Ҳумоюн Султонов Қозоғистондаги турнир ярим финалида кортга чиқди

Ҳамюртимиз бу босқичга қадар россиялик Алексей Мокров, япониялик Сейта Ватанабе ва яна бир рус — Егор Геросимовдан (810) устун келган эди. Бугунги ярим финал баҳсида эса ҳамюртимизга ATP рейтингида 623-ўринни эгаллаб турган япониялик Рента Токуда рақиблик қилди. Баҳс 3 сет давом этди ва унда афсуски, Токуда 4:6, 6:1, 7:5 ҳисобларида ғалабани ўз томонига илиб кетди.

Эслатиб ўтамиз, Ҳумоюн Султонов ўтган ҳафтада Қозоғистондаги "Челленжер" турнири вице-чемпионлигини қўлга киритган эди. Теннисчимиз айни дамда ATP рейтингида 446-ўринни эгаллаб турибди.