30 сен 19:40
Янгиликлар
Теннис
Ҳумоюн Султонов Қозоғистондаги турнирни ғалаба билан бошлади
Қозоғистоннинг Нурсултан шаҳрида теннис бўйича эркаклар ўртасида мукофот жамғармаси 54 160 долларни ташкил этувчи турнир старт олди.
Бугун мусобақанинг илк кунида ҳамюртимиз Ҳумоюн Султонов франциялик С.Думбияга қарши кортга чиқиши лозим эди. Бироқ, француз спортчисининг жароҳати сабаб теннисчимиз мезбон Сагадат Аяпга қарши ўйин ўтказди. 1 соат 26 дақиқа давом этган ўйинда Ҳумоюн рақибини 7:6, 6:3 ҳисобларида мағлуб этди ва иккинчи даврага йўл олди.
Таққослаш учун Ҳумоюн айни пайтда жаҳон рейтингида 384, Аяп эса 925-поғонани эгаллаб турибди. Энди теннисчимиз иккинчи даврада бошқа бир мезбон спортчи Дмитрий Попкога (209)га қарши ўйин ўтказади.
Эслатиб ўтамиз, ушбу мусобақада шунингдек Денис Истомин ва Жўрабек Каримов иштирок этмоқда. Жўрабек эртага россиялик Иван Гаховга қарши кортга чиқади.
Ҳавола :
Манба : olamsport.com
Фикрлар