28 янв 19:23
Янгиликлар
Теннис
Ҳумоюн Султонов Қувайтда финалга йўл олди
Қувайтнинг Ал Заҳра шаҳри мезбонлик қилаётган теннис бўйича ITF таснифига кирувчи турнир ўз якунига етиб бормоқда.
Ушбу мусобақада иштирок этаётган ҳамюртимиз Ҳумоюн Султонов бугун туркиялик Янки Эрелга қарши финал йўлланмаси учун кортга чиқди. 1 соат 45 дақиқа давом этган ўйинда Ҳумоюн рақибини 6:4, 6:2 ҳисобларида мағлуб этди ва финалга йўл олди.
Таққослаш учун, айни вақтда Султонов АТР рейтингида 491, Эрель эса 500-ўринни эгаллаб турибди. Энди Ҳумоюн эртага финалда ҳиндистонлик Пражнеш Гуннесваранга (339) қарши ўйин ўтказади.
Ҳавола :
Манба : olamsport.com
Фикрлар