Ҳумоюн Султонов учун Грециядаги иккинчи "Челленжер" ҳам омадсиз кечди

Мусобақада 3-рақамли теннисчи сифатида таснифланган ҳамюртимиз 11 март куни илк босқич доирасида дунё рейтингида 291-ўринни эгаллаб турган литвалик Рикардас Беранкисни 6:2, 6:2 ҳисобида мағлуб этган эди.

Султонов кеча нимчорак финал босқичида италиялик Федерико Синага қарши кортга чиқди. Бир соату 38 дақиқа давом этган учрашувда афсуски, Сина 7/6, 6/0 ҳисобида зафар қучди ва чорак финал масаласини ҳал қилди.

Маълумот учун, Ҳумоюн айни пайтда дунё рейтингида 218, Сина эса 557-ўринни эгаллаб турганди. Сина кетма-кет еттинчи учрашувида ғалаба қозонганини таъкидлаш жоиз. У ўтган ҳафта "Фьючерс" турнирида чемпион ҳам бўлганди.  

Аввалроқ, наманганлик ракетка устаси Херсонисосдаги илк "Челленжер"да ҳам айнан иккинчи босқичда юришини тўхтатган эди.