27 янв 18:59
Янгиликлар

Теннис

Ҳумоюн Султонов Заҳрадаги юришини муваффақиятли бошлади

Кувайтнинг Заҳра шаҳрида теннис бўйича М15 тоифасига кирувчи турнир бўлиб ўтмоқда.

Мусобақада биринчи рақам остида таснифланган ҳамюртимиз Ҳумоюн Султонов ўз иштирокини енгил ғалаба билан бошлади. Мамлакатимизнинг иккинчи ракеткаси 1/16 финалда туркиялик Корай Кирчига қарши кортга чиқди. Биринчи сет 6/1 ҳисобида Султонов фойдасига ҳал бўлди. Иккинчи сетнинг бешинчи геймидан Корай баҳсни давом эттира олмаслигини маълум қилди. Бу пайтга келиб Ҳумоюн 4/1 ҳисобида олдинда бораётганди.

Таққослаш учун, Ҳумоюн Султонов ATP рейтингида 581, Кирчи 1040-поғонадан жой олган. Бу теннисчиларнинг ўзаро ўтказган илк учрашуви бўлди.