Ҳумоюн Тўхтамуродов Махачев - Волкановски, Чимаев - Усман жанглари учун тахмин билдирди

Тўхтамуродов UFC'нинг шов-шувли 294-мусобақаси икки асосий жангидан нималар кутмоқда? 

"UFC 294 турнирида умуман биз кутмаган воқеалар бўлиб кетди. Жароҳат туфайли рақиблар алмашди. Спортда нималар бўлмайди дейсиз. Ўзимда ҳам жангга 5-6 соат қолганида жароҳат олиб, жангим бекор қилинган ҳолатлар бўлган. Буни спортчилар яхши тушунади. Бу вазиятга тушмаган одамнинг тушуниши бироз қийинроқ. Хамзат Чимаев - Камару Усман жангига келадиган бўлсак, Хамзат бўй борасида Усмандан анча баланд. Агар Усман Чимаевга бирорта нокаут қиладиган зарба бериб қўймаса, БОРЗ ўзини услубида 3-раундда самбишн билан енгади. Чунки Хамзатни кураши анча кучли, рақибини партерда қийнаб бўғиб қўяди деб ўйлайман. 

Ислам Махачев ва Алекс Волкановски ўртасидаги тўқнашувга келсак, реванш биринчи жангдан қизиқ бўлади деёлмайман. Негаки, Ислам Алекснинг тактикасини, қайси вазиятда қандай жанг қилишини билади. Бу сафар Волкановскини енгиш Махачев учун осонроқ бўлади. Чунки у 100 фоизлик лагерни ўтказди. Александр эса тўлиқ лагерь ўтказгани йўқ. Мени ниятим, ҳамиша мусулмонларнинг қўли баланд келсин", - деди Тўхтамуродов.