Ҳумоюн Тўхтамуродов Қозоғистонда жанг қилиб, рақибини биринчи раунддаёқ нокаутга учратди (ВИДЕО)

Биз учун аҳамиятлиси, ушбу турнирнинг прелим кардида енгил вазн тоифасидаги таниқли ўзбекистонлик аралаш якка кураш устаси Ҳумоюн Тўхтамуродов чиқиш қилди.

Унга Россия вакили Дмитрий Яковлев рақиблик қилди. 3 раундлик жангнинг илк раундидаёқ ҳамюртимиз ўнг қўлда йўллаган кучли зарбаси орқали Яковлевни нокаутга учратди ва ўз ғалабасини расмийлаштирди.

Мусобақанинг марказий жанги Қозоғистон вакили Васиф Аббасов ҳамда қирғизистонлик Самат Абдураҳманов ўртасида кечади.

Бугунги жанг орқали 26 ёшли Ҳумоюн Тўхтамуродов фаолиятидаги ўн учинчи ғалабасини нишонлади. Унинг ҳисобида 5 та мағлубият ҳам бор. Дмитрий Яковлевнинг рекорди эса энди 5-9-0 кўринишида. У 2023 йилда бошқа бир спортчимиз — Амирхон Алихўжаевга ҳам мағлуб бўлганди.