10 апр 14:10
Янгиликлар

Бокс/ММА

Ҳумоюн Тўхтамуродов, Тони Фергюсон ва Диллон Дэнис иштирок этиши керак бўлган GFL'нинг май ойидаги турнирлари бекор қилинди

Global Fight League (GFL) промоушени ўзининг дастлабки режалаштирилган турнирларини бекор қилди.

Лига расмий дебютини 24 ва 25 май кунлари Лос-Анжелесда ўтказиши керак эди. Икки кун давом этадиган мусобақа 30 та жангни ўз ичига олиши керак эди.

Калифорния Атлетика Комиссияси ижрочи директори Энди Фостер мусобақалар бекор қилинганини тасдиқлади.

Ижтимоий тармоқ фойдаланувчиларининг катта қисмига кўра, Лига раҳбариятида мусобақаларни ташкил этиш учун етарлича маблағ йўқ.

24 май кунги мусобақа доирасида ўзбекистонлик Ҳумоюн Тўхтамуродов октагонга чиқиши керак эди. Иккинчи турнирнинг марказий жанги эса UFC собиқ жангчиси Тони Фергюсон ва Диллон Дэнис кечиши керак эди.

Ҳозирча GFL ўз саҳифаларида бу ҳақда расман маълум қилмади.