Ҳумоюн Тўхтамуродовнинг Naiza 68 турниридаги рақиби ўзгарди + ПОСТЕР

Оқшом доирасида енгил вазнли ўзбекистонлик аралаш яккакураш устаси Ҳумоюн Тўхтамуродов ҳам октагонга кўтарилади.

Унга ўша куни қозоғистонлик Бекжан Абилкассим рақиблик қилиши керак эди. Аммо жангга 10 кундан кам вақт қолган бир пайтда Ҳумоюннинг рақиби ўзгарди. Энди Тўхтамуродов Naiza 68 турнирида эронлик Алиреза Шариати билан тўқнаш келади.

Маълумот учун, 32 ёшли Шариати ҳозиргача 17 та жанг ўтказиб, 10 ғалаба ва 7 мағлубият қайд этган. Ҳумоюн Тўхтамуродовнинг ҳисобида эса 10 та ғалаба ва бундан ташқари, 3 та мағлубият бор. У сўнгги учта жангида қозоғистонлик яккакураш усталари билан тўқнаш келиб, барчасида зафар қучган.