22 апр 19:00
Янгиликлар

Дзюдо

Ҳуррамов - Осиё чемпионатининг бронза медал соҳиби!

БААнинг Фужайра шаҳрида давом этаётган дзюдо бўйича йилнинг нуфузли мусобақаси - Осиё/Океания чемпионати якуни сари яқинлашмоқда.

-100 кг вазн тоифасидаги полвонимиз Муҳаммадкарим Хуррамов Осиё чемпионатининг бронза медалини қўлга киритди. Хитой Тайпейи вакили Жи Гуан Лу, австралиялик Кайхан Такаги-Ўзчичекни мағлуб этган ҳамюртимиз ярим финалда кореялик Жонг Хун Вонга имкониятни бой бериб қўйганди.

Ҳозиргина у бронза медали учун кечган баҳсда покистонлик Шах Ҳусайн Шахни мағлубиятга учратишга муваффақ бўлди.