10 янв 18:11
Янгиликлар

Футбол

Ҳусайн Норчаев Ўзбекистон МТЖ билан Дубайга учмади

Сречко Катанец бошчилигидаги Ўзбекистон терма жамоаси бугун тонгда хорижий йиғинни ўтказиш учун БААга жўнаб кетди.

Бироз олдин терма жамоамиз Дубай шаҳрига етиб борди. Championat.asia сайти маълумотига кўра, "Насаф" клуби ҳужумчиси Ҳусайн Норчаев сафарга бормади. Бунга унинг ангинасидаги муаммолар сабаб бўлди.

Олдинроқ Сречко Катанец мазкур йиғинга чақирилган футболчилар рўйхатини эълон қилганди:

Дарвозабонлар: Валижон Раҳимов (АГМК), Ўткир Юсупов ("Навбаҳор"), Умиджон Эргашев ("Насаф").

Ҳимоячилар: Фарруҳ Сайфиев ("Пахтакор"), Умар Эшмуродов ("Насаф"), Ҳожиакбар Алижонов ("Пахтакор"), Дилшод Саитов ("Насаф"), Шерзод Насруллаев ("Насаф"), Ислом Қобилов ("Локомотив"), Абдулла Абдуллаев ("Бунёдкор"), Жалолиддин Жумабоев ("Локомотив").

Ярим ҳимоячилар: Одилжон Ҳамробеков ("Пахтакор"), Акмал Мозговой ("Насаф"), Абубакр Ризо Турдалиев ("Насаф"), Аброр Исмоилов ("Пахтакор"), Ҳожимат Эркинов ("Пахтакор"), Ойбек Бозоров ("Насаф"), Достонбек Ҳамдамов ("Пахтакор"), Жавоҳир Сидиқов ("Локомотив"), Сардор Собирхўжаев ("Пахтакор").

Ҳужумчилар: Шерзод Темиров ("Пахтакор"), Азизбек Амонов ("Локомотив").

21 январь куни бўлиб ўтиши керак бўлган Япония - Ўзбекистон учрашуви омикрон штамми туфайли бекор қилинди. Терма жамоамиз 27 январь куни Баҳрайн ва 1 февраль куни Янги Зеландия билан ўртоқлик учрашуви ўтказади.