23 сен 07:53
Янгиликлар

Оғир атлетика

Ҳусинбой Матрасулов жаҳон чемпионатининг кумуш медали совриндори!

Испаниянинг Леон шаҳрида давом этаётган оғир атлетика бўйича ёшлар ўртасидаги жаҳон чемпионати ўзининг қизғин палласига кирди.

Мусобақанинг кечаги куни доирасида эркаклар ўртасида -73 кг вазн тоифасида "А" гуруҳ баҳслари ўтказилди.

Биз учун аҳамиятлиси, ушбу вазн тоифасида юртимиз шарафини ҳимоя қилган Ҳусинбой Матрасулов даст кўтаришда 148 кг натижа билан кумуш медалга сазовор бўлди. Вакилимиз силтаб кўтаришда 167 кг (5-ўрин) ва иккикураш якунига кўра 315 кг (4-ўрин) натижа қайд этди.

Аввалроқ, Нигора Абдуллаева мусобақада битта кумуш ва битта бронза медалига эга чиққан эди.