05 дек 11:23
Янгиликлар

Енгил атлетика

IAAF ЖЧ-2023 мезбонини эълон қилди

Халқаро енгил атлетика федерациялари ассоциацияси (IAAF) 2023 йилги жаҳон чемпионати қаерда ўтказилишини маълум қилди.

Унга кўра, чемпионатнинг мезбонлик ҳуқуқи Будапешт шаҳрига ишониб топширилди. Венгрия пойтахтидан ташқари, жаҳон чемпионати мезбонлигига Испаниянинг Барселона шаҳри ҳам ўз номзодини илгари сурганди.

Аввалроқ эълон қилинганидек, келаси йилги жаҳон чемпионати Қатар пойтахтини Доҳа, 2021 йилги мундиал эса АҚШнинг Южин шаҳрида бўлиб ўтади. Будапешт учинчи бор жаҳон чемпионатига мезбонлик қилади. 1989 ва 2004 йилларда Венгрия пойтахтида ёпиқ иншоотлардаги жаҳон чемпионати ўтказилган эди.