IBА антидопинг Халқаро тест агентлиги билан ҳамкорлигини янгилади

Шартнома IBА барча антидопинг тадбирларини, жумладан тест синовлари, разведка маълумотларини тўплаш, тестларни тақсимлашни режалаштириш, таълим ва терапевтик фойдаланишдан озод қилиш, шунингдек натижаларни бошқариш ва антидопинг қоидаларининг бузилиши билан шуғулланишни ўз ичига олади. Янги шартноманинг бандларига кўра, агентлик тест намуналарни узоқ муддатли сақлашни, разведкани ҳам ўз ичига олади.

“Кўплаб спорт турлари билан ишлаш орқали ITА спорт яхлитлигини таъминлаш учун мустақил экспертларни жалб қилиш фойдали эканлигини кўрсатди. IBА'да биз ушбу ёндашувга содиқмиз. Спортчиларимизни ҳимоя қилиш ва боксда ҳалол спорт қадриятларини мустаҳкамлаш бизнинг бурчимиздир. ITА билан ишлашни давом эттириш биз айнан шундай қилишимизни таъминлайди", - деди IBА президенти Умар Кремлёв.

Ҳамкорлик шартномаси аввалроқ 2016 йилда, Рио–2016 Олимпиадасидан сўнг имзоланган бўлиб, ундан кейинги йилларда IBА'нинг антидопинг ҳаракатларига катта муваффақият ва шаффофлик олиб келди.