09 дек 13:51
Янгиликлар

Бокс/ММА

IBA раҳбари Умар Кремлёв Жаҳон чемпионати-2024 мукофот жамғармасини очиқлади

Халқаро бокс ассоциацияси президенти Умар Кремлёв Дубайда ўтказилган IBA конгрессида эркаклар ўртасидаги 2024 йилги жаҳон чемпионатининг умумий мукофот жамғармасини эълон қилди.

"Жаҳон чемпионатининг мукофот жамғармаси 10 миллион АҚШ долларини ташкил этади", – деди Кремлёв.

Аввалроқ, Кремлёвнинг ўзи ушбу сумма 5 миллион доллар бўлишини айтган эди. Бу йил эркаклар ўртасидаги жаҳон чемпионатига Тошкент шаҳри мезбонликқилган ва ҳар бир вазн тоифаси чемпионларига 200 минг доллар тақдим этилганди.

Маълумот учун, Халқаро олимпия қўмитаси 2019 йилда IBA ташкилотини коррупция, нохолис ҳакамлик, этика қоидаларини бузиш каби бир қатор айбловлар билан Олимпия ўйинларини ташкил этишдан четлатган эди. Париж-2024 Олимпия ўйинларининг бокс мусобақасига ҳам IBA аралаша олмайди.