10 окт 15:28
Янгиликлар
Бокс/ММА
IBF рейтинги. Шоҳжаҳон кўтарилди, қолганлар ўз ўрнида
Халқаро бокс федерацияси (IBF) профессионал боксчиларнинг янгиланган рейтингини эълон қилди.
Ушбу рейтингдан ўзбекистонлик уч нафар боксчи ўрин олган.
Муроджон Аҳмадалиев иккинчи енгил вазн тоифасида (-55,3 кг) чемпион сифатида қайд этилган. Аҳмадалиев шунингдек WBA йўналиши чемпиони ҳам ҳисобланади.
Биринчи ярим ўрта вазн тоифасида (-63,5 кг) Шоҳжаҳон Эргашев олтинчи ўриндан бешинчи ўринга кўтарилган. Ушбу вазнда чемпионлик камари Жош Тейлорга тегишли.
Яримўрта вазн (-66,6 кг) тоифасида Қудратилло Абдуқаҳҳоров эса аввалгидек 1-поғонадан жой олган. У мазкур вазн тоифасида чемпионлик камари учун асосий даъвогар ҳисобланади. Айни пайтда IBF камари Эррол Спенсга тегишли. Қудратилло Абдуқаҳҳоров 24 октябрь куни АҚШда россиялик Сергей Липинецга қарши вақтинчалик IBF чемпиони бўлиш учун рингга кўтарилиши лозим.
Ҳавола :
Манба : olamsport.com
Фикрлар