IBF рейтинги янгиланди. Барча ўз ўрнида, Қудратилло эса...

Ушбу рейтингдан ўзбекистонлик тўрт нафар боксчи ўрин олган. 

Муроджон Аҳмадалиев иккинчи енгил вазн тоифасида (-55,3 кг) чемпион сифатида қайд этилган. Аҳмадалиев шунингдек WBA йўналиши чемпиони ҳам ҳисобланади. Эслатиб ўтамиз, у сўнгги жангида чилилик Хосе Веласкесдан ўз камарларини ҳимоя қилганди.   

Биринчи ярим ўрта вазн тоифасида (-63,5 кг) Шоҳжаҳон Эргашев тўртинчи ўринга жойлашган. Шунингдек, ушбу вазнда Шаҳрам Ғиёсов 11-поғонани эгаллаб турибди. Бу вазнда чемпионлик камари ҳозирда Жош Тейлорга тегишли бўлиб турибди. 

Яримўрта вазн (-66,6 кг) тоифасида Қудратилло Абдуқаҳҳоров эса канадалик Коди Кроулидан учралган мағлубиятдан сўнг кутилганидек пастга тушиб кетди. Аммо бироз тушунарсиз жиҳат шундаки, ҳамюртимиз бирданига 15-ўринга тушган. Айни пайтда IBF камари Эррол Спенсга тегишли.

Постер муаллифи - Мухтасар Умарова