IBF рейтинги янгиланди. Ўзбек боксчиларининг ўрни қандай?

Ушбу рейтингдан ўзбекистонлик тўрт нафар боксчи ўрин олган. 

Муроджон Аҳмадалиев иккинчи енгил вазн тоифасида (-55,3 кг) чемпион сифатида қайд этилган. Аҳмадалиев шунингдек WBA йўналиши чемпиони ҳам ҳисобланади. Эслатиб ўтамиз, у 3 апрель куни ўзининг IBF камарини япониялик Рёсуке Ивасадан ҳимоя қилганди.  

Биринчи ярим ўрта вазн тоифасида (-63,5 кг) Шоҳжаҳон Эргашев тўртинчи ўринга жойлашган. Эртага у Тошкент шаҳрида навбатдаги жангини ўтказади. Шунингдек, ушбу вазнда Шаҳрам Ғиёсов ҳам кўтарилиб, 12-ўринга жойлашди. Бу вазнда чемпионлик камари ҳозирда Жош Тейлорга тегишли бўлиб турибди. 

Яримўрта вазн (-66,6 кг) тоифасида Қудратилло Абдуқаҳҳоров эса аввалгидек 1-поғонадан жой олган. У мазкур вазн тоифасида чемпионлик камари учун даъвогар ҳисобланади. Айни пайтда IBF камари Эррол Спенсга тегишли.