IBF рейтинги янгиланди. Шаҳрам ТОП-15га кириб олди

Ушбу рейтингдан ўзбекистонлик тўрт нафар боксчи ўрин олган. Эълон қилинган янги рейтингда ўзбекистонлик боксчи Шаҳрам Ғиёсов ҳам ўз вазнида кучли ўн беш боксчи орасига кириб олган.   

Муроджон Аҳмадалиев иккинчи енгил вазн тоифасида (-55,3 кг) чемпион сифатида қайд этилган. Аҳмадалиев шунингдек WBA йўналиши чемпиони ҳам ҳисобланади. Эслатиб ўтамиз, у 3 апрель куни ўзининг IBF камарини япониялик Рёсуке Ивасадан ҳимоя қилди.  

Биринчи ярим ўрта вазн тоифасида (-63,5 кг) Шоҳжаҳон Эргашев тўртинчи ўринга жойлашган. Шунингдек, ушбу вазнда Шаҳрам Ғиёсов ҳам кўтарилиб, 13-ўринга жойлашди. Бу вазнда чемпионлик камари ҳозирда Жош Тейлорга тегишли бўлиб турибди. 

Яримўрта вазн (-66,6 кг) тоифасида Қудратилло Абдуқаҳҳоров эса аввалгидек 1-поғонадан жой олган. У мазкур вазн тоифасида чемпионлик камари учун даъвогар ҳисобланади. Айни пайтда IBF камари Эррол Спенсга тегишли.