06 мар 07:03
Янгиликлар

Бокс/ММА

IBF яна Биволга имконият бермоқда

IBF ярим оғир вазн тоифасида чемпионлик унвонини мажбурий ҳимоя қилиш ҳуқуқи учун 3 мартга белгиланган савдоларни яна кейинга қолдирди.

Шу тариқа, IBF, WBA ва WBO йўналишлари чемпиони Дмитрий Бивол ҳамда мажбурий даъвогар Михаэл Айферт жанг бўйича икки томонлама келишувга эришиш учун яна вақтга эга бўлишди.

Россиялик 35 ёшли Бивол ўтган йилнинг август ойида узоқ танаффус ҳамда бел операциясидан сўнг рингга қайтмоқда. Агар Бивол 28 ёшли германиялик боксчига қарши мажбурий ҳимоядан воз кечса, IBF чемпионлик камаридан маҳрум бўларди.

Михаэл Айферт 2023 йилда IBF чемпионлиги учун мажбурий даъвогарга айланган бўлса, 2024 йилда Бивол ва Артур Бетербиев ярим оғир вазн тоифасида мутлақ жаҳон чемпиони унвони учун жанг ўтказишга олти хонали товон пули тўлашга рози бўлди.

Қизиғи, Айферт 2024 йил августидан буён рингга кўтарилмаган.