26 июл 09:40
Янгиликлар
Футбол
Ибрагимович яна бир мавсум “Милан”да қолади
38 ёшли швециялик ҳужумчи Златан Ибрагимович жамоаси билан яна бир йиллик шартномага имзо чекади, дея хабар бермоқда италиялик журналист Вито Анжеле.
“Стефан Пиоли “Милан” билан шартномасини узайтиргач, вазият ўзгарди. Златан ҳам жамоада қоладиган бўлди. Улар яна бир мавсум ҳамкорлик қилишади”, деди журналист.
Ибрагимович қишки трансфер ойнаси вақтида “Милан”га қайтганди. У жорий мавсумда 16 та учрашувда майдонга тушиб 7 та гол урди ва 4 та голли узатмани амалга оширди. 38 ёшли ҳужумчининг миланликлар билан амалдаги шартномаси 2020 йилнинг 31 августида якунига етади.
Златан футболчилик фаолияти мобайнида “Мальмё”, “Аякс”, “Ювентус”, “Интер”, “Барселона, ПСЖ, “Манчестер Юнайтед” ва “Лос Анжелес Гэлакси” жамоалари шарафини ҳимоя қилган. Фаолияти давомида Златан жами 759 та учрашувда майдонга тушиб, 464 та гол урган, 184 та голга ассистентлик қилган.
Ҳавола :
Фикрлар