Иброҳимҳалил ОТЖ лагерини тарк этди, унинг ўрнига бошқа ўйинчини қўшиш мумкинми?

Кеча кечқурун легионеримиз Иброҳимҳалил Йўлдошев оилавий сабабларга кўра ОТЖ лагерини вақтинча тарк этгани ҳақида хабар берилди.

Париж-2024. Ўзбекистон ОТЖ легионери терма жамоа ихтиёрини вақтинчалик тарк этди

"Championat.asia" ўқувчиларни қизиқтираётган саволга жавоб олиш мақсадида бош мураббий Тимур Кападзе билан боғланди ва Йўлдошевнинг ўрнига захирадаги бошқа ўйинчи қайдномага киритиладими ёки йўқлигига ойдинлик киритишни уриниб кўрди. Демак, Кападзе бу борада қуйидагича жавоб берди.

"Иброҳимҳалилнинг ўрнига захирадаги ўйинчилардан бирини қайдномага киритиш учун кеча сўров берганмиз, ҳали жавоб келмади. Кутяпмиз. Албатта биз алмаштиришга ҳаракат қиляпмиз, чунки бизда ҳимоячилар йўқ (биринчи ўйиндан олдин марказий ҳимоячи Асадбек Раҳимжонов бетоб бўлиб қолган эди - таҳририят.). Лекин, регламентда жароҳат олса деган жойи бор, бундай форс-мажор ҳолатда қандай йўл тутишади, билмаймиз", - деб айтиб ўтди Кападзе.