Иброҳимхалил Йўлдошев "Женоа"дан таклиф бўла туриб, Россияга йўл олган эмиш

—Терма жамоа йиғини ҳақида гапириб берсангиз...

— Сречко Катанец терма жамоага бош мураббий этиб тайинланди. Бугунги йиғилишда мураббий ўз талабларини айтди. Талабчанлиги билан бошқа мураббийлардан ажралиб туради. У жамоани жипслаштиришга ҳаракат қилмоқда. 

Россиядаги дебютингиз қандай ўтди?

— Россияга борганимга бир ҳафта бўлди. Икки кун машғулотларда иштирок этдим. Кержаковга миннатдорчилик билдираман, у менга асосий таркибда ишонч билдирди. Ишончни оқлашга ҳаракат қиламан.

Россия чемпионатига йўл олишингиз қандай содир бўлди? Сизни "Женоа"да кўрамиз деб ўйлагандик...

— Европадан таклифлар бўлди, илк вариант айнан "Женоа" эди. Элдор Шомуродов менга дастлаб Россияда ўз иқтидоримни кўрсатиб, кейинчалик Европага йўл олишни маслаҳат берди. Ўзим ҳам шу фикрдаман.

Терма жамоадаги рақобат ҳақида фикрингиз. Қачон Фаррух Сайфиевни тўлиқ таркибдан чиқариб ташлай оласиз?

 — (Кулади) Терма жамоа клубга нисбатан юқори поғонада туради. Жамоада соғлом рақобат бўлиши керак, Фаррух Сайфиевни чиқариб ташлаш ниятим йўқ.