08 ноя 17:04
Янгиликлар
Гандбол
«IHF Inter-Continental Trophy». Финалда Хитой Тайпейига қарши ўйнаймиз
Таиланднинг Убонратжатхани шаҳрида гандбол бўйича 20 ёшгача бўлган ўғил болалар ўртасида «IHF Inter-Continental Trophy» мусобақасининг Осиё минтақаси баҳслари ўтказилаётганлиги ҳақида хабар қилгандик.
Спортчиларимиз гуруҳ босқичида Ҳиндистон терма жамоасини 44:31, Хитой Тайпейи вакилларини 38:36 ҳисобида мағлуб этганликлари ҳақида хабар қилгандик. Ҳамюртларимиз гуруҳдаги сўнгги учрашувни мезбон - Таиланд терма жамоасига қарши ўтказишди ва 39:31 ҳисобида ғалаба қозонишди.
Шу тариқа ёш гандболчиларимиз гуруҳ босқич баҳсларини юз фоизлик натижа билан якунладилар. Энди йигитларимиз эртага мусобақа ғолиблиги учун гуруҳдаги "эски таниш" - Хитой Тайпейи терма жамоаси вакилларига қарши паркетга чиқадилар.
Мусобақа ғолиби «IHF Inter-Continental Trophy»нинг жаҳон босқичига йўлланма олади.
Ҳавола :
Манба : olympic.uz
Фикрлар