IJF вакиллари Халқ таълими вазири билан учрашишди

Бугун Халқаро дзюдо федерацияси медиа департаменти директори Николас Месснер ҳамда "Мактабларда дзюдо дастури" лойиҳаси раҳбари Эстер Штам Ўзбекистон халқ таълими вазирлигида бўлишди. 

Уларга Ўзбекистон дзюдо федерацияси бош котиби Дониёр Илҳамов ҳамда федерация мутасаддилари ҳамроҳлик қилишди. Меҳмонларни Ўзбекистон Халқ таълими вазири Шерзод Шерматов қабул қилди. 

Маълумки, айни пайтда мамлакатимизнинг 20 та ўрта таълим мактабида дзюдо фан сифатида ўргатилмоқда. Ўзбекистон дзюдо федерацияси томонидан ушбу мактабларга татами ва бошқа зарур инвентарлар етказиб берилган. 

Халқаро дзюдо федерацияси вакиллари ва Шерзод Шерматов келажакда дзюдо фан сифатида ўргатилаётган мактаблари сонини ошириш масаласини муҳокама қилишди ва бу борада келишиб олишди.