22 авг 10:20
Янгиликлар
Бокс/ММА
Ижтимоий тармоқларда Баҳодир Жалолов проф рингда қозоғистонлик боксчи билан жанг қилиши ҳақида хабарлар тарқалди
All Start Boxing промоутерлик компанияси промоутери Зиё Алиевнинг Vesti.kz нашри мухбирига маълум қилишича, қозоғистонлик оғир вазнли боксчи Иван Дичко (14-0) яқин орада ҳамюртимиз Баҳодир Жалолов (14-0) билан жанг қилади.
Бунгача икки боксчи фақат ҳаваскорлар рингда тўқнаш келишган. Улар орасида ўтказилган тўртта жангнинг барчаси қозоғистонлик боксчи фойдасига ҳал бўлган.
"Яқин кунларда Дичконинг навбатдаги жангидан сўнг бизни қизиқ янгиликлар кутиб турибди. Кейинчалик Жалолов ва Дичко ўртасидаги жанг бўлиб ўтиши учун катта платформалар мавжуд. Жалолов билан жанг бўлса, Ваня уни тўхтатиб қўяди", дейди Алиев.
Маълумот ўрнида, Дичко бугун тонгда АҚШнинг Плант-Сити шаҳрида ташкил этилган проф бокс оқшомида америкалик Крейг Люисга қарши жанг қилиб, ғалаба қозонди.
Ҳавола :
Манба : vesti.kz
Фикрлар