Икки боксчимиз Будапештда жанг қилди, битта жанг муддатидан олдин тугади

Мазкур бокс оқшомида икки нафар ҳамюртимиз - Шоҳжаҳон Абдуллаев ва Комронбек Турғунбоев рингга кўтарилди. 

Комронбек Турғунбоев молдовалик Иван Петровга қарши 4 раундлик жанг ўтказди. Ҳамюртимиз 1-раундда рақибини нокдаун ҳолатига туширди. 4-раундга келиб, Петров жангни охиригача етказа олмаслигини маълум қилди ва шу тариқа Турғунбоев муддатидан олдин ғалабага эришди.

Шоҳжаҳон Абдуллаев эса Венесуэла вакили Иван Матьютга қарши рингга кўтарилди. Жанг тўлиқ 6 раунд давом этди ва унда Абдуллаев очколар эвазига ғалаба қозонди.